Prefektura e Qarkut Shkodër raporton se situata e emergjencave civile në territor paraqitet e qetë dhe në përmirësim, sipas njoftimeve të datave 15 dhe 16 janar 2026. Pas reshjeve të dendura, kuotat e lumenjve Drin dhe Buna kanë shënuar rënie rreth 20 cm në Bashkinë Shkodër.
Në njësitë administrative Dajç dhe Obot, niveli i ujit po ulet, por në aksin rrugor të Obotit vazhdon të ketë ujë rreth 20-30 cm. Lëvizja kryhet vetëm me mjete me kalueshmëri të lartë dhe jo më me varka. Transporti i banorëve realizohet nga Regjimenti i Këmbësorisë së Veriut me një automjet dhe 5 efektivë të Forcave të Armatosura. Në Urrelat e Shirqit nuk ka më prezencë uji.
Situata në bashkitë e tjera
Në territorin e bashkive Vau i Dejës, Malësi e Madhe, Pukë dhe Fushë-Arrëz, situata është e qëndrueshme dhe nën kontroll. Nuk raportohen problematika apo emergjenca të reja. Strukturat vijojnë monitorimin e vazhdueshëm.
Nivelet e ujit dhe hidrovoret
Sipas Drejtoria e Ujitjes dhe Kullimit Lezhë, nivelet janë nën kuotat kritike:
- Lumi Buna, ura e vjetër e Pazarit: 8.40 m (15/01) ose 8.30 m (16/01)
- Lumi Drin, ura e Bahçallëkut: 7.80 m (15/01) ose 7.2 m (16/01)
- Lumi Buna, Dajç: 6.30 m (15/01) ose 6.40 m (16/01)
Hidrovoret e Velipojës funksionojnë normalisht në kuotën -1.90 m, duke punuar në kapacitet të plotë për menaxhimin e prurjeve.
Qarkullimi rrugor
Drejtoria e Rrugëve dhe Vehikullave Shkodër raporton se qarkullimi është normal. Në akset malore, si Qafë Mali–Fierzë, K/Hadroj–Qafë Bënë, Dedaj–Razëm, Bogë–Qafë Thore–Theth dhe Hani Hotit–Vermosh, rekomandohet përdorimi i gomave dimërore ose zinxhirëve për shkak të dëborës. Institucionet vijojnë koordinimin për sigurinë e qytetarëve.