Trupat e pajetë të pesë foshnjave janë gjetur në shtëpinë e një çifti në qytetin Orange, në departamentin Vaucluse të rajonit të Provencës në Francë. Zbulimi u bë gjatë një kontrolli të ushtruar nga policia, ndërsa mbetjet ishin fshehur në kuti brenda banesës për një kohë të gjatë.
Ngjarja doli në dritë pasi gruaja, banuese në këtë shtëpi, solli në jetë një fëmijë ditën e djeshme. Fëmija i porsalindur është gjetur në gjendje të mirë shëndetësore. Sipas raportimeve të mediave, mes tyre edhe La Repubblica, burime pranë hetimit kanë konfirmuar gjetjen e trupave, ndërsa procesi hetimor vijon për të zbardhur rrethanat e plota.
Ky rast shënon një ngjarje të përsëritur në Francë gjatë vitit 2026. Në muajin shkurt, autoritetet arrestuan një grua rreth 50-vjeçare në Haute-Saône, pasi në ngrirësin e banesës së saj u zbuluan dy trupa foshnjash. Po ashtu, një episod i ngjashëm u regjistrua në vitin 2015, kur në jug të Francës u gjetën pesë trupa foshnjash të vendosura brenda një ngrirësi.