Në datën 11 janar 2026, pesë pompistë kujdestarë të Ndërmarrjes Trepça u bllokuan në vendet e tyre të punës brenda minierës për rreth 8-9 orë. Ngjarja ndodhi si pasojë e problemeve teknike me furnizimin me energji elektrike.
Kryesindikalisti i Trepçës, Ibrahim Jonuzi, konfirmoi se pompistët mbetën të izoluar deri në stabilizimin e situatës. "Janë pesë pompistë kujdestarë, të cilët kanë mbetur në vendet e tyre të punës në minierë për shkak të problemeve teknike me energjinë elektrike. Ata kanë qëndruar rreth 8–9 orë", deklaroi ai.
Jonuzi ka njoftuar se të gjithë punëtorët dolën nga miniera pa asnjë incident dhe u kthyen në shtëpitë e tyre. Gjendja e tyre shëndetësore është e mirë dhe nuk raportohet për asnjë pasojë.