Ish-deputeti i Partisë Socialiste, Petro Koçi, në emisionin "Off the Record" të drejtuar nga Andrea Danglli në A2CNN, tha se beson që PS do të jetë kundër kërkesës së GJKKO-së lidhur me çështjen "Balluku".
Koçi theksoi se PS ka qenë kundër kompetencës së pezullimit. Sipas tij, Gjykata Kushtetuese me vendimin 4:4 e la në fuqi vendimin e pezullimit, por PS po e respekton atë, pavarësisht mundësisë për të respektuar kërkesën e GJKKO-së. Ky qëndrim është jokonsistent.
Nga zhvillimet në Këshillin e Mandateve dhe Imuniteteve, Koçi nuk pret ndryshim pozicioni të PS-së në pak ditë. Ai vlerësoi se ky qëndrim ushqen opozitën, e cila me performancën e saj e konsolidon qeverinë në vend që ta dobësojë atë.