Rreth orës 22:30 të datës 27 janar 2026, në lagjen Kodër Shijak, shtetasit I. F., 38 vjeç, dhe D. F., 35 vjeç, kushërinj, janë konfliktuar me shtetasin D. Ç., 45 vjeç.
Gjatë këtij konflikti, 45-vjeçari D. Ç. u plagos me armë zjarri dhe ndodhet nën kujdesin e mjekëve.
Shërbimet e Policisë po ushtrojnë kontrolle intensive për kapjen e dy kushërinjve I. F. dhe D. F.
Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe dokumentimin ligjor të saj.
Përditësime
Dorian Ferra dhe Indrit Ferra, kushërinjtë në kërkim, dyshohen se rrahën së pari Denis Çumanin para se ta qëllonin me pistoletë në brinjë. Plumbi kaloi tejpërtej, duke shkaktuar plagosje të rëndë. Konflikti erdhi nga ngacmimi me mesazhe ndaj vajzës së Indrit Ferrës nga Çumani, mesazhe të zbuluara gjatë takimit të saj me babanë në një lokal.