Sesioni i ri parlamentar nis më 19 janar. Kryetari i Kuvendit Niko Peleshi ka përgatitur një plan veprimi për institucionin që drejton, duke marrë parasysh rekomandimet e Komisionit Evropian.
Plani synon të rrisë dialogun politik përmes takimeve periodike me grupet parlamentare. Për sjelljen e deputetëve, Peleshi propozon ndryshimin e Kodin e Sjelljes, veçanërisht për takimet e deputetëve dhe lobimet. Gjithashtu, parashikohet organizimi i leksioneve periodike për njohjen e rregullave të sjelljes.
Masat disiplinore do të vazhdojnë ndaj deputetëve që thyejnë rregullat. 6 deputetë demokratë nuk do të marrin pjesë në seancën e së hënës, pasi u dënuan në dhjetor me 30 ditë pune përjashtimi.
Për të rritur kontrollin ndaj qeverisë, plani parashikon përdorimin e interpelancave, pyetjeve dhe mocioneve me debat. Kjo platformë nuk funksionoi në periudhën nga shtatori në dhjetor. Si kusht i Brukselit, Kuvendi do të jetë transparent dhe do të ndërtojë një platformë online ndërinstitucionale.
Në sesion pritet miratimi i ligjeve të rëndësishme, si:
• Ndryshimet në Kodin Zgjedhor;
• Ndryshimet në Kodin Penal;
• Ligji për mediat;
• Ligji i ri për konfliktin e interesit të funksionarëve publikë;
• Ligjet e reformës në drejtësi.