Policia e Tiranës ka arrestuar shtetasin A. H., 36 vjeç, në zonën e Laprakës, pasi dyshohet se një ditë më parë u vetëplagos aksidentalisht me armë zjarri pa leje brenda automjetit të tij.
Sipas njoftimit zyrtar, specialistët e Seksionit për Hetimin e Krimeve të Rënda konstatuan se ai kishte bërë kallëzim të rremë. Gjatë marrjes së ndihmës mjekësore në spital, A. H. pretendoi se ishte plagosur nga një shtetas tjetër.
Materialet procedurale i janë referuar Prokurorisë së Tiranës për veprime të mëtejshme. Hetimet vijojnë për sqarimin e plotë të rrethanave të ngjarjes.