Policia e Kosovës ka bastisur tri lokacione në Podujevë dhe ka arrestuar dy të dyshuar meshkuj kosovarë. Ngjarja lidhet me një rast të ndodhur në tetor të 2025-s, ku ata akuzohen për lëshim të çeqeve pa mbulesë ose të rreme, keqpërdorim të kartelave të bankës, vjedhje të identitetit dhe hyrje të paautorizuar kompjuterike.
Të dyshuarit, me qëllim përfitimi material, kanë shpërndarë video dhe foto në rrjete sociale, duke shfaqur kartela të bardha. Ato u promovuan si të mbushura me shuma të ndryshme parash dhe të gatshme për blerje.
Gjatë bastisjeve, policia ka konfiskuar:
• Dy llaptopë;
• Tre telefona celularë;
• Kartëmonedha imituese 5, 10 dhe 20 euro, të përdorura për simulim online;
• Një kartelë të bardhë;
• Tri pistoleta me gaz me 17 fishekë.
Për armët është iniciuar një rast i veçantë në stacionin policor të Podujevës. Të dyshuarit, pas intervistimit, u liruan në procedurë të rregullt me urdhër të prokurorit.