Policia e Himarës ka ndërmarrë veprime hetimore pas zjarrit masiv që përfshiu zonën mbrëmjen e kaluar. Në lidhje me këtë ngjarje, autoritetet kanë shoqëruar tre persona, të cilët dyshohet se mund të kenë pasur dijeni ose përfshirje në shkaktimin e flakëve.
Pas marrjes në pyetje nga grupi hetimor, dy prej personave të ndaluar janë lënë të lirë. Megjithatë, personi i tretë mbetet ende në ambientet e Komisariatit të Himarës, ku vijon procesi i verifikimit dhe marrjes në pyetje.
Grupi hetimor është duke punuar për të zbardhur rrethanat e plota dhe për të përcaktuar shkakun e vërtetë të rënies së zjarrit. Aktualisht, policia thekson se nuk ka një person të identifikuar zyrtarisht si autor apo të dyshuar kryesor për zjarrvënien. Hetimet përqendrohen në përcaktimin nëse flakët kanë qenë të qëllimshme dhe nëse personat e shoqëruar mbajnë ndonjë përgjegjësi për pasojat e kësaj ngjarjeje.
Përditësime
Hetuesit identifikuan personin e ndaluar si një çoban, i cili u kap pranë zonës së Vlorës. Policia po verifikon lidhjen e tij të drejtpërdrejtë me zjarret e rëna në Himarë. Identifikimi vjen pas dëshmive të mbledhura në vendngjarje.