Institucioni i Policisë së Shtetit ka njoftuar ndryshime në strukturat drejtuese të tre qarqeve. Këto lëvizje janë ndërmarrë në kuadër të procesit të riorganizimit të brendshëm, me qëllim forcimin e funksionimit të institucioneve ligjzbatuese në nivel vendor.
Sipas vendimeve të marra, emërimet e reja janë:
• Ermal Muça, drejtor i Policisë Vendore të Lezhës.
• Edvin Ndreu, drejtor i Policisë Vendore të Vlorës.
• Erion Ahmeti, drejtor i Policisë Vendore të Fierit.
Për Erion Ahmetin, ky vendim shënon konfirmimin zyrtar në detyrë, duke zëvendësuar statusin e mëparshëm si drejtues i komanduar.
Përditësime
Drejtori i Përgjithshëm i Policisë së Shtetit, Skënder Hita, ka zyrtarizuar drejtuesit e rinj të drejtorive vendore në Lezhë, Vlorë dhe Fier, pas përfundimit të procedurave të konkurrimit. Ndryshimet vijnë pas shkarkimit të Elidon Çelës nga posti i drejtorit në Vlorë, si pasojë e ngjarjeve të fundit në Zvërnec. Ndërkohë, drejtoritë e Tiranës dhe Durrësit mbeten ende në proces emërimi.