Sot, në ambientet e Drejtorisë së Përgjithshme të Policisë së Shtetit (DPPSH), po zhvillohet procesi i konkurrimit për përzgjedhjen e drejtuesve të rinj në katër qarqe të vendit. Procesi synon plotësimin e pozicioneve vakante në drejtoritë vendore të Durrësit, Lezhës, Fierit dhe Kukësit.
Në garë janë përfshirë 21 punonjës policie, emrat e të cilëve janë konfirmuar zyrtarisht:
• Adriatik Tafçiu, Arjanit Arapi, Artion Duka, Ermal Muçaj, Ervin Hodaj, Erzen Cera, Gjovalin Loka, Ndue Doçi, Xhevahir Karaj, Alfred Nomani, Alfred Elezi, Alket Shatro, Arben Nasufi, Ardrit Elmazi, Dashamir Spaho, Edvin Ndreu, Erion Ahmeti, Hergis Jica, Lorenc Shehu, Lorenc Meta dhe Ylli Doda.
Kandidatët do t'i nënshtrohen testimit dhe intervistimit profesional. Pas përfundimit të vlerësimit, komisioni do të bëjë renditjen e tyre bazuar në pikët e grumbulluara. Katër kandidatët me pikët më të larta do të përzgjidhen nga Drejtori i Përgjithshëm i Policisë për t'u emëruar në krye të drejtorive përkatëse.
Ndërkohë, për postet vakante në Tiranë dhe Vlorë pritet të hapet një procedurë e veçantë konkurrimi. Në kuadër të lëvizjeve të fundit, Ervin Ndreu është komanduar si drejtor i Polisisë së Vlorës, ndërsa Ermal Haxhi është komanduar në krye të Drejtorisë së Kufirit në Tiranë.
Përditësime
Policia e Shtetit është në fazën përmbyllëse të emërimeve për drejtoritë vendore, duke harmonizuar rezultatet e konkursit me listën e kandidatëve. Zhvillimet kryesore janë:
- Tiranë: Për postin e drejtorit janë në garë Ermal Muça dhe Oliger Torba.
- Lezhë: Kandidatët kryesorë janë Ndue Ndoçi dhe Arben Nasufi.
- Fier: Pozicioni po vlerësohet për Erion Ahmetin.
- Kukës: Në konkurrim janë Artion Duka, Alket Shatro dhe Gjovalin Loka.
- Vlorë: Ervin Ndreu pritet të marrë drejtimin e institucionit pas përmbylljes së procedurave.
Sipas ndryshimeve në procedurë, drejtuesit e Tiranës dhe Vlorës do të përzgjidhen drejtpërdrejt nga lista fituese e konkursit.