Policia e Kosovës ka ndaluar një shtetase të Serbisë në pikëkalimin kufitar Jarinjë, nën dyshimin për prezantim të dokumenteve të falsifikuara.
Ngjarja ndodhi më 20 mars 2026, rreth orës 20:33, sipas njoftimit të Policisë së Kosovës. E dyshuara prezantoi letërnjoftimin dhe patentën e shoferit, të cilat dyshohet se nuk janë autentike. Pas kontrollit, autoritetet konstatuan dyshime për falsifikim.
Me urdhër të prokurorit kompetent, dokumentet e dyshuara u konfiskuan për ekzaminim të mëtejshëm. Rasti është proceduar në rrugë të rregullt ligjore dhe hetimet do të vazhdojnë për sqarimin e rrethanave.