Ndeshja mes Tiranës dhe Elbasanit, e luajtur në stadiumin Selman Stërmasi, u karakterizua nga tensioni mes tifozëve gjatë gjithë kohës dhe kulmoi me konflikte fizike pas përfundimit.
Policia e Shtetit, përmes Komisariatit Nr. 2, njoftoi se specialistët për Hetimin e Krimeve kanë referuar materialet në Prokurori, ku është nisur procedimi penal ndaj 10 shtetasish të dyshuar.
Tifozët dyshohen se gjatë zhvillimit të ndeshjes kanë hedhur sende të forta në fushë dhe nuk iu kanë bindur urdhrave të punonjësve të policisë të angazhuar për mbarëvajtjen e saj. Këto veprime rrezikuan sigurinë dhe rendin publik.
Shtetasit e proceduar janë:
- S. N.
- A. L.
- I. S.
- K. M.
- F. E.
- N. K.
- I. M.
- M. Sh.
- Xh. Gj.
- P. B.
Autoritetet theksuan ndërhyrjen e menjëhershme të forcave të rendit për të kontrolluar situatën. Çdo person prezumohet i pafajshëm deri në vendim gjyqësor të formës së prerë.