Policia Rrugore e Tiranës ka ushtruar kontrolle të shtuara 24-orëshe në akset kryesore të kryeqytetit për të parandaluar aksidentet rrugore dhe për të menaxhuar trafikun.
Gjatë javës së fundit, janë evidentuar dhe ndëshkuar shkelje të shumta të Kodit Rrugor. Masat e marra përfshijnë:
• 59 drejtues mjetesh proceduar penalisht për drejtim në efektin e alkoolit, ku 6 prej tyre u vunë në pranga për shkak të rrezikshmërisë së lartë ndaj jetëve të përdoruesve të rrugës. Materialet për këto raste i janë referuar Prokurorisë së Tiranës për veprime të mëtejshme;
• 76 drejtues mjetesh ndëshkuar për mosrespektim të radhës në qarkullim, shkelje që rrit rrezikun për aksidente dhe vështirëson lëvizjen normale;
• 53 automjete të hequra me karrotrec për parkim të gabuar, duke liruar hapësira publike dhe duke hequr pengesa për qarkullimin.
Policia Rrugore apelon te drejtuesit e mjeteve që të respektojnë rregullat e qarkullimit, të shmangin drejtimin në efektin e alkoolit dhe të tregojnë kujdes gjatë lëvizjes në rrugë, pasi siguria rrugore është përgjegjësi e përbashkët.