Portieri 26-vjeçar, Amir Saipi, është larguar zyrtarisht nga ekipi i Luganos për t'iu bashkuar skuadrës spanjolle CD Castellon. Lajmi u bë i ditur nga klubi zviceran, duke përmbyllur kështu një cikël pesëvjeçar të lojtarit, i cili iu bashkua bardhezinjve më 10 shtator 2021 nga Schaffhauseni. Gjatë kësaj periudhe, Saipi regjistroi 180 paraqitje, duke u shndërruar në një element kyç për formacionin zviceran.
Edhe pse shifrat zyrtare nuk janë bërë publike, raportimet e shtypit zviceran sugjerojnë se marrëveshja kap vlerën e rreth 1 milion eurove, shumë e cila përfshin bonuset dhe një përqindje nga shitja e ardhshme e futbollistit. Skuadra e tij e re, CD Castellon, militon në Segunda División dhe sezonin e kaluar u eliminua në fazën e “play-off”-it për inkuadrim në La Liga nga Almeria.
Me largimin e Saipit, Lugano ka marrë masa për zëvendësimin e tij, duke afruar portierin 24-vjeçar gjerman Felix Gebhardt, i cili vjen nga radhët e Regensburgut. Ky i fundit pritet të shërbejë si alternativë e portierit David von Ballmoos. Për Amir Saipin, kalimi në kampionatin spanjoll shihet si një mundësi për të avancuar në karrierë dhe për të ruajtur vendin e titullarit në Kombëtaren e Kosovës.
Përditësime
Portieri Amir Saipi është transferuar te skuadra spanjolle CD Castellon. Gjatë karrierës së tij, ai ka shënuar suksese të rëndësishme, ku spikat fitimi i Kupës së Zvicrës në vitin 2022 me Luganon.