Portieri 25-vjeçar i Përfaqësueses së Kosovës, Amir Shaipi, është pranë largimit nga klubi zviceran Lugano për të vazhduar karrierën në kampionatin turk te skuadra e Amedspor. Marrëveshja mes palëve është raportuar nga media të ndryshme, duke iu referuar gazetarit turk Resat Can Ozbudak.
Lëvizja e Shaipit drejt Turqisë vjen pas ndryshimeve në strukturën e portierëve te Lugano, ku klubi ka vendosur të bëjë të përhershëm qëndrimin e portierit David von Ballmoos. Gjatë sezonit të fundit, Shaipi zhvilloi 28 ndeshje në të gjitha garat. Gjatë pesë viteve në Zvicër, ai regjistroi 180 paraqitje me fanellën bardhezi, ku spikat fitimi i Kupës së Zvicrës në vitin 2022.
Te Amedspor, skuadër e cila ka siguruar ngjitjen në Superligën e Turqisë, Shaipi do të gjejë trajnerin shqiptar Besnik Hasi dhe futbollistin kosovar Florent Hasani. Për portierin kosovar, kjo pritet të jetë përvoja e parë futbollistike jashtë Zvicrës, ku më parë ka qenë pjesë e akademive të Schaffhausen, Winterthur dhe Grasshopper.