Prefekti i Tiranës, Shkëlqim Hajdari, zhvilloi më 13 shkurt 2026 vizitën e tij të parë në Kavajë. Ai u takua me kryetarin e Bashkisë, Fisnik Qosja, dhe zhvilloi biseda konstruktive me drejtorët e bashkisë.
Në një postim në Facebook, Hajdari e përshkroi takimin si “të rëndësishëm dhe frymëzues”. Ai falënderoi kryetarin e bashkisë për mikpritjen dhe gatishmërinë për bashkëpunim. Gjatë vizitës diskutuan prioritetet, sfidat dhe projektet për zhvillimin e mëtejshëm të qytetit.
“Kjo ishte një mundësi shumë e mirë për të ndërtuar ura bashkëpunimi dhe për të forcuar komunikimin institucional në shërbim të qytetarëve. Me besim të plotë se përmes dialogut dhe angazhimit të përbashkët do të arrijmë rezultate konkrete për komunitetin,” shkroi Hajdari.
Takimi synon të forcojë bashkëpunimin mes institucioneve për shërbime më të mira ndaj banorëve të Kavajës.