Presidenti Bajram Begaj zhvilloi një takim me kongresmenin amerikan Keith Self në Teksas të SHBA-ve.
Me anë të një postimi në rrjetin social X, presidenti Begaj falënderoi kongresmenin për vëmendjen ndaj çështjes shqiptare dhe Ballkanit Perëndimor. Ai shkroi: "Ishte kënaqësi të takoja kongresmenin @RepKeithSelf në Teksas, të cilin e falënderova për vëmendjen e tij ndaj çështjes shqiptare dhe Ballkanit Perëndimor. Shkëmbyem mendime dhe perspektiva mbi rëndësinë e pranisë së SHBA-së në rajon, rolin e vetë rajonit, NATO-s dhe KFOR-it, si dhe forcimin e partneritetit strategjik midis dy vendeve tona".
Takimi vlerësohet si pjesë e përpjekjeve për të thelluar marrëdhëniet dypalëshe dhe bashkëpunimin strategjik.