Prokuroria pranë Gjykatës së Shkallës së Parë të Juridiksionit të Përgjithshëm Gjirokastër ka përfunduar hetimet dhe shqyrtimin gjyqësor për procedimin penal nr. 240 të vitit 2024, duke paraqitur pretencën për Thoma Mastorën. I akuzuari, aktualisht 72 vjeç, përballet me akuzën e veprës penale “Vrasja në rrethana të tjera cilësuese”, parashikuar nga neni 79/dh i Kodit Penal të Republikës së Shqipërisë.
Ngjarja për të cilën akuzohet Mastora ndodhi në banesën e çiftit në fshatin Bodrishtë të njësisë administrative Dropull. Sipas dosjes hetimore, konflikti nisi si një mosmarrëveshje e çastit, e cila përshkallëzoi në përdorimin e sendeve të forta ndaj viktimave, të cilët ishin 80 dhe 84 vjeç. Pas kryerjes së krimit, autori u largua nga vendngjarja.
Tashmë, çështja ndodhet në fazën përfundimtare dhe pritet vendimi nga gjykata. Organi i akuzës konfirmoi se provat e mbledhura gjatë procesit hetimor mbështesin kërkesën për dënimin e të pandehurit.