Prokuroria Themelore në Pejë, Departamenti i Krimeve të Rënda, ka parashtruar kërkesë për caktimin e masës së paraburgimit ndaj të dyshuarit për veprën penale të "vrasjes së rëndë" në fshatin Bokshiq të Klinës.
Ngjarja ndodhi më 21 mars 2026, rreth orës 15:10. Pas një mosmarrëveshjeje mes dy vëllezërve, njëri prej tyre e qëlloi tjetrin me armë zjarri brenda oborrit të shtëpisë. Viktima, Faruk Jusufi, 49-vjeçar dhe ish-veteran i luftës, u dërgua fillimisht në emergjencën e Klinës, pastaj në Spitalin e Pejës. Ai ndërroi jetë pak para se të transferohej në QKUK.
Zëdhënësi i policisë për rajonin e Pejës, Fadil Gashi, konfirmoi se njësitë policore arrestuan të dyshuarin në vendngjarje, e ndaluan për 48 orë me urdhër të prokurorit dhe sekuestruan armën si provë materiale. Hetimet vazhdojnë nga policia dhe prokuroria.
Zëdhënësi i Prokurorisë Themelore në Pejë, Shkodran Nikçi, konfirmoi kërkesën për paraburgim. Seanca e procedurës paraprake pritet të mbahet sot pasdite.
Përditësime
- Prokuroria ka identifikuar Jetmir Isufin si të dyshuarin.
- Prokuroria ka konfirmuar se viktima u qëllua katër herë radhazi me armë zjarri.
Gjykata Themelore në Pejë caktoi 30 ditë paraburgim ndaj Jetmir Jusufit.
Zhvillime të reja:
- Policia sekuestroi tre gëzhoja në vendngjarje.
- Ngjarja ndodhi në orën 15:08.
- Jetmir Jusufi dhe viktima u përplasën në oborr. Viktima po punonte dhe u përpoq ta shmangë dyshuarin me mjetin e punës, ndërsa ky hyri brenda për të marrë armën.
Sipas dokumentit gjyqësor të konfirmuar nga Klan Kosova.
Gjykata në Pejë ka konfirmuar 30 ditë paraburgim ndaj Jetmir Jusufit. Zëdhënësja Agnesa Zeqiraj-Çetja bëri të ditur se masa u caktua pas seancës dëgjimore dhe vlen nga 21.03.2026 (ora 15:30) deri më 19.04.2026.