Më 23 mars 2026, në orën 17:00, shoqëria civile bëri thirrje përmes rrjeteve sociale për një protestë kundër rritjes së çmimit të naftës në Shqipëri. Tubimi u planifikua para godinës së Kryeministrisë, ku prej më shumë se 105 ditësh qëndrojnë në protestë aktivistë të Lëvizjes Shqipëria Bëhet.
Protesta rezultoi me pjesëmarrje të ulët. Në shesh u vu re vetëm rreth 10 persona, kryesisht aktivistë të Lëvizjes Shqipëria Bëhet, ndërsa media dhe policia ishin të pranishëm për të ndjekur zhvillimet.
Rritja e çmimit të naftës erdhi pas përshkallëzimit të konfliktit në Lindjen e Mesme, ku SHBA-ja dhe Izraeli nisën luftime kundër Iranit. Në Shqipëri, çmimi arriti në 220 lekë për litër, duke ndikuar në çmimet e tjera. Qeveria vendosi të rikthejë Bordin e Transparencës për karburantet.
Aktivistja Edona Haklaj nga Lëvizja Shqipëria Bëhet, në një lidhje live për Report TV, shpjegoi se qëllimi ishte ndërgjegjësimi qytetar për shtrenjtimin e karburanteve dhe tarifave të tjera, si dhe vënia para përgjegjësisë së qeverisë. Ajo theksoi se do të mbështeste protesta të tilla, siç kanë bërë vendet e rajonit për uljen e çmimeve.
Disa ekspertë e kanë quajtur rritjen e çmimit të naftës të pajustifikuar.