Vala e protestave qe ka perfshire Shqiperine prej disa ditesh ka marre vemendjen e mediave kryesore boterore. Qytetaret jane ngritur kunder zhvillimit te nje projekti turistik ne zonen e mbrojtur te Zvernecit, te cilin e konsiderojne nje kercenim per biodiversitetin, duke perfshire speciet e mbrojtura si flamingot.
Sipas raportimeve nga BBC, Reuters, CNN, NBC News, Financial Times dhe The Independent, protestat ne Tirane, te cilat jane shtrire edhe ne Durres e Vlore, karakterizohen nga nje pjesemarrje e gjere qytetare qe nuk identifikohet me forcat politike parlamentare. Pjesemarresit kane mbajtur pankarta me thirrje si "Atdheu nuk eshte ne shitje" dhe "Edi Rama dorehiqu", ndersa nje pjese e tyre kane kerkuar edhe burgosjen e liderit demokrat Sali Berisha.
Mobilizimi qytetar mori hov pas nje incidenti te regjistruar gjate nje proteste ne Zvernec, ku punonjes te nje kompanie private sigurie u pane duke terhequr zvarr per toke nje protestues. Reuters nenvizon se projekti ne fjale eshte planifikuar nga nje kompani e lidhur me Jared Kushner, dhendrrin e Donald Trump, ne nje nga zonat me te ndjeshme mjedisore te bregdetit shqiptar.