Gjatë zhvillimit të protestës së 46-të radhazi para institucionit të Kryeministrisë, një qytetar ka kërkuar reagimin e institucioneve të drejtësisë, duke u bërë thirrje prokurorëve të SPAK-ut të arrestojnë kryeministrin Edi Rama, ish-zëvendëskryeministren Belinda Balluku dhe kryetarin e opozitës, Sali Berisha.
Protestuesi u fokusua në çështjen e zonjës Balluku, duke pyetur pse kryeministri nuk ka ndërmarrë hapa për t'ia dorëzuar atë autoriteteve. Ai gjithashtu i bëri thirrje trupit diplomatik të akredituar në Tiranë që të mbështesin kërkesat e qytetarëve. Sipas tij, figura politike të korruptuara pengojnë procesin e integrimit të vendit në Bashkimin Evropian.
Në deklaratat e tij, ai akuzoi Berishën si bashkëpunëtor të Ramës, duke pretenduar se ata shfaqen si kundërshtarë publikë, ndërsa në të vërtetë mbështesin njëri-tjetrin. Protestuesi përmendi gjithashtu një video të paverifikuar ku kryeministri pretendon se Balluku i bën presion, duke e përdorur këtë si argument për nevojën e një reagimi nga ana e drejtësisë.