Partia Socialiste refuzoi në Kuvend heqjen e imunitetit parlamentar të deputetes Belinda Balluku.
Pas këtij vendimi, Ambasada e Suedisë në Tiranë reagoi në rrjetet sociale. Ambasada shprehet se pret që sistemi i drejtësisë në Shqipëri të veprojë me shpejtësi dhe pa pengesa në raste të tilla.
Në reagimin e plotë thuhet:
Suedia mbështet integrimin e Shqipërisë në Bashkimin Europian, në përputhje me dëshirën e popullit shqiptar. Një kërkesë kyçe për përparimin në këtë proces të bazuar në meritë është ndjekja penale efektive e korrupsionit, përfshirë edhe në nivelet më të larta.
Ne presim qartë që, në raste të tilla, sistemi i drejtësisë të jetë në gjendje të veprojë me shpejtësi dhe pa pengesa. Udhëheqja politike shqiptare mbetet përgjegjëse për garantimin e këtij procesi.