Një punëtor 43-vjeçar ka humbur jetën pas rënies nga një objekt në rrugën Ferizaj-Prishtinë. Ngjarja ka ndodhur sot rreth orës 15:00, derisa viktima po punonte në lartësi. Vdekja e tij u konstatua nga ekipi mjekësor në vendngjarje.
Zëdhënësja e Policisë së Kosovës për rajonin e Prishtinës, Flora Ahmeti, konfirmoi ngjarjen. Ajo deklaroi:
"Sot rreth orës 15:00, kemi pranuar informatën se në rrugën Ferizaj-Prishtinë, një person ka rënë nga një lartësi (objekt) derisa ishte duke punuar. Viktima mashkull, 43-vjeç, nuk ka arritur të përballojë plagët dhe i njëjti ka ndërruar jetë. Vdekjen e viktimës e ka konstatuar ekipi mjekësor në vendngjarje."
Policia, në koordinim me Prokurorinë dhe Inspektoratin e Punës, ka nisur hetimet për të përcaktuar rrethanat e ngjarjes.
Përditësime
Gazmend Ahmeti, i lindur në 1982 në fshatin Mihaliq të Vushtrrisë, u identifikua si viktima. Ai po punonte në objektin ndërtimi nga ku ra.