Një punëtor ka pësuar lëndime të rënda trupore më 16 mars 2026, në orët e paradites, në Gjilan, ku ra nga një lartësi gjatë punës në një objekt ndërtimi.
Zëdhënësi i Policisë së Kosovës për rajonin e Gjilanit, Ismet Hashani, konfirmoi ngjarjen për media. Ai njoftoi se viktima u dërgua menjëherë me urgjencë në spitalin rajonal të qytetit.
Policia e Kosovës ka dalë në vendngjarje dhe, në koordinim me prokurorin, ka nisur hetimet. Prokurori i shtetit ka urdhëruar hapjen e rastit me emërtimin “Asgjësim, dëmtim apo heqje e masave mbrojtëse në punë”.
Hetimet janë në vazhdim për zbardhjen e plotë të rrethana.
Përditësime
Punëtori ra nga një lartësi rreth 3 metrash në Rr. Idriz Seferi, Gjilan, rreth orës 10:40. Pronari i firmës, një mashkull kosovar i dyshuar, u arrestua dhe u lirua në procedurë të rregullt pas intervistimit.