Komuna e Mitrovicës ka njoftuar se qarkullimi në drejtim të fshatit Frashër do të ndërpritet për tre ditë.
Kjo masë ndërmerret në kuadër të projektit “Rehabilitimi i rrugës hekurudhore Linja 10, Pjesa Jugore (Fushë Kosovë – Mitrovicë)”. Drejtoria për Shërbime Publike dhe Infrastrukturë bën të ditur se rruga te hekurudha do të jetë e bllokuar nga 13.02.2026, ora 08:00 deri më 15.02.2026, ora 24:00.
Autoritetet kërkojnë mirëkuptim nga qytetarët dhe shfrytëzuesit e rrugës. Ata inkurajohen të zgjedhin rrugë alternative për të shmangur pengesat.