Një punonjës i një kompanie celulare, shtetasi L. K., rreth 50 vjeç, u gjet i lënduar pranë antenave të komunikimit në fshatin Krrabë të Fushë-Arrëzit, në zonën e Midës. Ngjarja ndodhi mëngjesin e sotëm dhe dyshohet se ai kishte shkuar për të rregulluar një defekt teknik në një antenë.
Rreth orës 09:20, shtetasi Gj. T. njoftoi sallën operative të Komisariatit të Policisë Pukë për praninë e një personi të shtrirë pranë antenave. Menjëherë në vendngjarje mbërritën shërbimet e Policisë, emergjencës civile dhe shëndetësisë.
Nga verifikimet paraprake, u konstatua se bëhej fjalë për L. K., i cili u transportua me helikopter drejt Spitalit të Traumës në Tiranë, ku po merr ndihmën e nevojshme mjekësore.
Grupi hetimor, nën drejtimin e Prokurorisë, po punon për sqarimin e plotë të rrethanave dhe shkaqeve të ngjarjes.
Përditësime
Punonjësi i kompanisë celulare u gjet i shtrirë në dëborë pranë antenave në Fushë-Arrëz.