Qeveria e Kosovës miratoi propozim-vendimin për bartjen e Zyrës për çështjet e kategorive të dala nga lufta e UÇK-së, e cila vepron në kuadër të ZKM-së, në Ministrinë për Punë, Familje dhe Vlerat Çlirimtare. Ky vendim u mor gjatë mbledhjes së pestë qeveritare më 19 mars 2026.
Kryeministri Albin Kurti bëri të ditur se bartja synon forcimin e përkujdesjes institucionale dhe koordinimin më të drejtpërdrejtë të politikave për kategoritë e dala nga lufta çlirimtare. Ai deklaroi: "Duke vlerësuar lartë luftën për liri dhe pavarësi të popullit, për herë të parë vlerat e luftës çlirimtare i kemi vendosur në emërtimin e një ministrie të cilës sot do ia kalojmë një zyrë të rëndësishme. Bartja e zyrës për çështjet e kategorive të dala nga lufta e UÇK-së në kuadër të ministrisë për punë, familje dhe vlerat e luftës çlirimtare synon forcimin e përkujdesjes institucionale dhe koordinim më të drejtpërdrejtë të politikave të dala nga lufta."
Kurti përmendi se zyrës do t’i atribuohen punë specifike për këto kategori, duke synuar përmirësimin e shërbimeve.