Qendra Kombëtare e Biznesit (QKB) bën të ditur se gjatë janarit 2026 u regjistruan 2,152 biznese të reja, duke shënuar rritje prej 5.28% nga 2,044 subjekte të regjistruara në janarin 2025.
Ky tregues konfirmon vijimësinë e interesit për zhvillimin e aktivitetit ekonomik dhe formalizimin e sipërmarrjeve.
Shpërndarja sipas qarqeve
Numri më i lartë i regjistrimeve rezulton në qarkun e Tiranës me 1,166 subjekte, i ndjekur nga:
- Durrësi: 250
- Vlorës: 187
- Elbasanit dhe Fierit: nga 118 secili
- Korçës: 78
- Lezhës: 76
- Shkodrës: 74
- Beratit: 27
- Dibër: 21
- Gjirokastrës: 20
- Kukësit: 17
Sipas sektorëve ekonomikë
Aktivitetet kryesore përfshijnë:
- Tregtia me shumicë dhe pakicë, riparimi i automjeteve dhe motoçikletave: 546
- Akomodimi dhe shërbimi ushqimor: 261
- Aktivitete profesionale, shkencore dhe teknike: 210
- Transporti dhe magazinimi: 163
- Ndërtimi: 162
- Informacioni dhe komunikimi: 154
Pjesëmarrja e femrave dhe aplikimet
718 subjekte administrohen nga femra. Në total, u realizuan 11,946 aplikime në tre regjistrat e QKB-së. Gjithashtu, u lëshuan 125 leje dhe licenca: 16 leje (kryesisht Leje Mjedisi të tipit B – 12 raste) dhe 109 licenca.
Kategoritë me më shumë licenca:
- Shërbime mjekësore parësore dhe/ose stomatologjike: 42
- Prodhim, përpunim dhe shpërndarje me shumicë e ushqimeve: 8
- Transport rrugor ndërkombëtar mallrash: 7
- Formim profesional: 6
- Operator turistik dhe farmaci/agjenci farmaceutike: nga 5 secili.
Përmirësime digjitale
Në platformën e-Albania u shtuan tre shërbime të reja: aplikim për likuidim të thjeshtëzuar, aplikim për plotësimin e ekstraktit historik dhe tërheqje nga aplikimi në register.