Qendra Kombëtare e Biznesit (QKB) ka publikuar të dhënat për aktivitetin e regjistrave në muajin mars 2026, krahasuar me mars 2025.
Gjatë këtij muaji u regjistruan 1.780 subjekte të reja, në rritje me 13.7% nga 1.565 subjekte të një viti më parë.
Në shpërndarjen gjeografike, Tirana kryeson me 986 subjekte, e ndjekur nga Vlora, Durrësi dhe Fieri.
Bizneset me kapital 100% shqiptar përbëjnë 1.562 subjekte, ndërsa subjektet me kapital të huaj dhe të përbashkët vazhdojnë të rriten.
Forma ligjore më e përhapur është personi fizik me 1.291 regjistrime, i ndjekur nga shoqëritë me përgjegjësi të kufizuar me 482.
Sektorët kryesorë përfshijnë:
- tregtinë me shumicë dhe pakicë (386 subjekte),
- akomodimin dhe shërbimin ushqimor (261),
- aktivitetet profesionale, shkencore dhe teknike (180),
- informacionin dhe komunikacionin (173),
- ndërtimin (159).
Pjesëmarrja e grave shënoi 568 subjekte të administruara nga to.
Në Regjistrin e Lejeve dhe Licencave u evidentuan 179 raste, prej të cilave 153 licenca dhe 26 leje, kryesisht në shërbimet shëndetësore, transport dhe turizëm.
Në Regjistrin e Pronarëve Përfitues u regjistruan 505 subjekte.
Në total u përpunuan 11.784 aplikime në të tre regjistrat.
Përditësime
QKB raportoi rritje 13.7% (prej 215 subjektesh) të subjekteve të reja në mars 2026 krahasuar me shkurt 2026 (1.565 subjekte).