Në pikën kufitare Kapshticë ndërmjet Shqipërisë dhe Greqisë është krijuar një radhë e gjatë automjetesh për shkak të vonesave në procedurat e kalimit nga pala greke. Kjo pikë është një nga më të ngarkuarat, por radhë të tilla kryesisht ndodhin në sezonin veror turistik.
Sipas udhëtarëve, pritja zgjat nga 1 deri në 2 orë ose mbi 2 orë, si pasojë e vonesave nga autoritetet greke. Pala shqiptare kryen procedurat normalisht, pa vonesa.
Vonesat lidhen me sistemin e ri të hyrje-daljeve në BE, të aplikuar prej 3 muajsh nga grekët. Ky sistem pengon procedurat e shpejta për shtetasit shqiptarë dhe të huajt, duke dhënë përparësi vetëm personave me dokumente greke.