Edi Rama, kryeministri i Shqipërisë, ka ironizuar gjyqtarët dhe prokurorët gjatë prezantimit të programit për konkursin ndërkombëtar të Qendrës së Drejtësisë. Ai ka marrë spunto nga zhvillimet e fundit, si vendimi i Gjykatës Kushtetuese pro SPAK-ut që shkarkoi Belinda Ballukun.
Rama tha se sistemi i drejtësisë herë pas here u bën surpriza, por kjo është pjesë e proceseve të brendshme dhe rritjes së tij. “Kjo është përpjekje që nuk ndalet, pavarësisht surprizave që na bëni herë pas here”, deklaroi ai.
Duke folur për projektin e Qendrës së Drejtësisë, kryeministri theksoi se ai ka financim të madh, duke përfshirë edhe shpronësimet. “Kushdo që të jetë gjykatës, të ndihet i respektuar edhe kur sheh muret. Është privilegj të bësh punën që bën”, shtoi Rama.
Në kulm të fjalimit, ai bëri një batutë: “Ky është rasti ideal, se jeni përfshirë dhe ju tani, që të shkojmë në paraburgim të gjithë për shpërdorim detyre”.
Përditësime
Kryeministri Edi Rama njofton planin për përfundimin e investimit brenda 2028-s.
Korporata Shqiptare e Investimeve do të marrë pronat shtetërore.
Prokurori i Përgjithshëm Olsian Çela dhe kreu i Këshillit të Lartë Gjyqësor nenvizuan problemet.
Rama ironizoi përdorimin e paraburgimit si masë të parë për shpërdorim detyre, duke iu referuar rastit të zëvendëskryeministres.