Kryeministri Edi Rama, nëpërmjet podcast-it të tij "Flasim", bëri të ditur se qeveria do të vazhdojë zbatimin e projektit në zonën e Zvërnecit. Kjo deklaratë vjen në një kohë kur në Tiranë janë zhvilluar 7 protesta kundër ndërhyrjeve në zonat e mbrojtura.
Sipas Ramës, banorët e Zvërnecit mbështesin investimin, pasi ai prek të pranishmit në protestat e kryeqytetit nuk përfaqësojnë interesat e vendasve. "Në një takim, për të gjithë ata që duan ta dinë, vlen shumë më shumë se çdo ulërimë, kujë apo spekulim nga çorba e ditëve të fundit", u shpreh kryeministri. Ai sqaroi se takoi banorë që kanë pretendime për pronat e tyre në zonën ku do të zhvillohet projekti.
Kryeministri hodhi poshtë kritikat mbi dëmtimin e mjedisit, duke argumentuar se qeveria po ndjek një politikë që harmonizon ndërtimin me konservimin. Si shembull, ai përmendi marrjen e kryesimit të Forest Europe nga Shqipëria dhe përfshirjen e Liqenit të Shkodrës në UNESCO.
Rama deklaroi se situata e zonave të mbrojtura sot është shumë më e mirë se 10 vite më parë, kur sipas tij, ato ishin "tokë pa zot" që binin pre e babëzisë. "Zhvillimi ekonomik dhe mbrojtja e natyrës nuk duhen parë si koncepte përjashtuese", përfundoi kryeministri.