Kryeministri Edi Rama ka shpërndarë më 21 mars 2026 një video nga Mozaiku i Tiranës, duke njoftuar se në këtë sit arkeologjik po përgatiten mozaikë dhe materiale nga periudha e antikitetit për ekspozim publik.
Në postimin në rrjetet sociale, ai shkruan: “MIRËMËNGJES dhe me Mozaikun e Tiranës, ku po përgatiten për publikun mozaikë dhe materiale arkeologjike nga antikiteti, si dëshmi e rëndësishme e historisë dhe trashëgimisë sonë kulturore, ju uroj një fundjavë të mbarë”.
Mozaiku i Tiranës është një nga monumentet më të rëndësishme të periudhës romake në Shqipëri. Ai daton nga shekulli III dhe u zbulua në vitete '70 të shekullit të kaluar, gjatë punimeve për ndërtimin e një blloku pallatesh. Prej vitesh, ky sit është pjesë e projekteve për restaurim dhe promovim turistik.
Më herët ministër i Turizmit, Kulturës dhe Sportit, Blendi Gonxhja, ka deklaruar se do të ekspozohen mozaikë të mbyllur nga antikiteti dhe antikiteti i vonë, të gjetur në sitet më të rëndësishme arkeologjike. Hapësira e re moderne shërben si platformë për prezantimin e tyre, me kushte optimale konservimi dhe programe edukative për fëmijët dhe të rinjtë.
Ekspozimi pritet të rrisë interesin e vizitorëve dhe të kontribuojë në njohjen më të gjerë të trashëgimisë kulturore shqiptare, duke e kthyer zonën në një destinacion të rëndësishëm kulturor për Tiranën.
Përditësime
- Revista ArchDaily nominoi Mozaikun e Tiranës, pikë informacioni vizuale për mozaikët në nëntokën arkeologjike shqiptare, për çmimin 'Ndërtesa e Vitit 2026'.