Kryeministri Edi Rama gjatë fjalimit në njësinë 12 u ndal te rritja e numrit të turistëve në Shqipëri.
Ai deklaroi se më parë numëroheshin 2 milionë turistë, ndërsa vitin e kaluar kanë hyrë 12 milionë turistë në territorin e vendit. Rama sqaroi se numërohen vetëm pasaportat e huaja dhe jo ato shqiptare.
Me batutë ai tha se te 2 milionë turistët numëroheshin edhe ai dhe bashkëshortja Kujtimi sa herë ktheheshin në Shqipëri pas udhëtimesh. "E kemi filluar me 2 milionë e ca turistë, ku për turistë më numëroni mua e Kujtimin kur ktheheshim në Shqipëri", u shpreh ai.
Rama theksoi se këto janë fakte, megjithëse të pamjaftueshme për synimet e qeverisë. Ai lidhi rritjen e turizmit me zhvillimin ekonomik, rritjen e pagave dhe pensioneve. "Po të ishte rritur korrupsioni, nuk do të ishte rritur ekonomia, nuk do të rriteshin pagat dhe pensionet", deklaroi ai.
Kryeministri përmendi se ka ende shumë për të bërë dhe shprehu shpresën që në 2-3 muajt e ardhshëm do të kryhen veprimet e duhura drejt një fitoreje në zgjedhjet e ardhshme.