Në mbledhjen e grupit parlamentar të Partisë Socialiste, kryeministri Edi Rama kritikoi ish-ministren e Jashtme Elisa Spiropali për postimet e saj në rrjetet sociale, të cilat konsiderohen kritike ndaj partisë.
Sipas burimeve, Rama foli në fund të mbledhjes, duke theksuar se në punët e partisë nuk mund të krijohen drama. Ai i drejtoi fjalët Spiropalit: "Ose je me ne, ose përballë nesh. Partia ka dy ngjyra: bardhë e zi."
Rama i kujtoi Spiropalit sjelljet e mëparshme: herën e parë nuk votoi në Parlament për rrëzimin e kërkesës së SPAK-ut për arrestin e Belinda Ballukut, herën e dytë bëri një çarçaf në Facebook, ndërsa herën e tretë del jashtë grupit.
Spiropali kërkoi replikë për të dhënë sqarime, por Rama refuzoi, duke thënë se ajo nuk merr më fjalë. Spiropali u përgjigj se trimëria është të dëgjohet, jo të përjashtohet.
Mbledhja u zhvillua me dyer të mbyllura dhe u shoqërua me debate të brendshme. Rama kërkoi kujdes në komunikimin publik nga anëtarët e grupit për të shmangur tensionet e panevojshme.
Përditësime
Edi Rama i tha Taulant Spiropalit: "O me ne, o përballë nesh, merr frymë thellë dhe kupto atë që ke bërë".
Rama shtoi: "Je akoma këtu sepse nuk dua që PS të humbasë investimin që ka bërë. Ti s’mund të replikosh këtu, ti nuk merr fjalë më; me ty është investuar PS dhe unë".
Taulant Spiropali u përgjigj: "Nuk është trimëri të përjashtosh, trimëri është të dëgjosh. Më përjashton ti, jo ajo".
Mbledhja e grupit socialist, e zgjeruar me kabinetin qeveritar, trajtoi:
- Turnin "Punët për Shqipërinë";
- Raportet nga qarqet;
- Integrimin europian me Majlinda Dhuka dhe Ferit Hoxha;
- "Maji i Europës";
- 35-vjetorin e PS-së.
Në mbledhjen e grupit, Kryeministri Edi Rama u kërkoi deputetëve dhe ministrave më shumë angazhim dhe prani të drejtpërdrejtë pranë qytetarëve.