Ramush Haradinaj, kryetar i Aleancës për Ardhmërinë e Kosovës (AAK), ka publikuar një video nga Qafë Mullar, vendi ku më 6 maj 1997 u zhvillua beteja në të cilën u vra vëllai i tij, Luan Haradinaj.
Në video, Haradinaj bën të ditur se është ngjitur në atë vend së bashku me dy bashkëluftëtarë të betejës: gjeneralin Selim Krasniqi dhe kryetarin e Drenasit, Ramiz Lladrovci.
Ai u shpreh: "Në vendin ku ndodhi beteja në Qafë Mullar, me dy bashkëluftëtarë të asaj dite: gjeneral Selim Krasniqin dhe kolegun tonë, kryetarin Ramiz Lladrovci".
Vizita vjen në prag të përvjetorit të betejës dhe rënies së Luan Haradinaj, një ngjarje e rëndësishme e Luftës.