Ish-komandanti i Ushtrisë Çlirimtare të Kosovës (UÇK), Ramush Haradinaj, ka përkujtuar 27-vjetorin e nënshkrimit të Marrëveshjes së Kumanovës. Kjo marrëveshje shënoi tërheqjen përfundimtare të forcave ushtarake, policore dhe paramilitare serbe nga territori i Kosovës, pas krimeve të kryera ndaj popullatës shqiptare të paarmatosur.
Përmes një postimi në rrjetet sociale, Haradinaj theksoi se lufta çlirimtare e UÇK-së, falë kauzës së saj të drejtë, arriti të sigurojë mbështetjen e shteteve demokratike dhe të aleancës së NATO-s. Ai veçoi kontributin e SHBA-së, e cila udhëhoqi fushatën tre-mujore të bombardimeve kundër Jugosllavisë dhe regjimit gjenocidal të Slobodan Millosheviqit.
Në mesazhin e tij, Haradinaj shprehu mirënjohjen e përjetshme të popullit të Kosovës ndaj Amerikës dhe botës demokratike për mbështetjen e dhënë në arritjen e lirisë dhe pavarësisë së vendit.