Ish-kryetari i Aleancës për Ardhmërinë e Kosovës, Ramush Haradinaj, ka shprehur mirënjohjen ndaj popullit dhe institucioneve mbrojtëse të Shteteve të Bashkuara të Amerikës në shënim të 251-vjetorit të themelimit të ushtrisë amerikane. Nëpërmjet një postimi në rrjetin social Facebook, Haradinaj ka theksuar rolin vendimtar të ushtrisë amerikane dhe NATO-s në çlirimin e Kosovës.
Sipas Haradinajt, liria e popullit të Kosovës është arritur falë ndihmës në kohën vendimtare të ushtrisë amerikane dhe NATO-s, të cilët shpëtuan vendin nga tragjedia dhe spastrimi etnik. Ai nënvizoi se Kosova do të vazhdojë ta ruajë dhe forcojë partneritetin me NATO-n, veçanërisht me SHBA-në, duke e cilësuar këtë marrëdhënie si jetike për vendin.