Ramush Haradinaj, kryetar i Aleancës për Ardhmërinë e Kosovës (AAK), zhvilloi një takim më 4 shkurt 2026 në Departamentin Amerikan të Shtetit me Daniel J. Lawton, Zëvendës Ndihmës Sekretar i Departamentit të Shtetit pranë Byrosë për Çështje Evropiane dhe Euroaziatike.
Përmes një postimi në rrjetet sociale, Haradinaj bëri të ditur se e ka falënderuar Lawtonin për mbështetjen e palëkundur të Shteteve të Bashkuara ndaj Kosovës, nga arritja e lirisë deri te ndërtimi i demokracisë dhe institucioneve shtetërore.
Ai theksoi se partneriteti ndërmjet Kosovës dhe SHBA-së mbetet i qëndrueshëm dhe strategjik. Haradinaj nënvizoi se anëtarësimi i Kosovës në NATO do të forcojë sigurinë e vendit dhe do të kontribuojë në paqe, stabilitet dhe mbrojtje kolektive në Ballkanin Perëndimor si dhe në komunitetin euro-atlantik.