Trajneri i kombëtares së Ukrainës, Sergei Rebrov, ka shprehur gatishmërinë për të rinovuar kontratën me Federatën Ukrainase menjëherë pas mbarimit të edicionit të Botërorit.
Kontrata e Rebrov-it përfundon me mbylljen e këtij edicioni të Botërorit, ashtu si edhe ajo e trajnerit të Shqipërisë, Silvinjo, e cila skadon në korrik. Ndërsa braziliani Silvinjo ka deklaruar se do të presë deri në fund të kontratës për të vendosur nëse do të kërkojë bisedime me FSHF, Rebrov ka vepruar ndryshe.
Pavarësisht eliminimit të Ukrainës në play-off, përfaqësuesit e Rebrov-it i kanë bërë të ditur Federatës Ukrainase se trajneri është gati të ulet në tavolinë për të firmosur një marrëveshje të re për një edicion tjetër.
Vendimi përfundimtar varet nga presidenti i Federatës Ukrainase, Andrij Shevçenko, i cili do të përcaktojë nëse do të vazhdojë bashkëpunimin me Rebrov apo do të kërkojë një trajner të ri për kryesimin e përfaqësueses.