Rektori i Universitetit të Tiranës, Artan Hoxha, ka vendosur pezullimin e përkohshëm nga detyra të Dekanes së Fakultetit të Drejtësisë, Dorina Hoxha. Vendimi merr fuqi deri në përfundimin e procedurave për zgjedhjen e anëtarëve të Këshillit të Lartë Gjyqësor dhe Këshillit të Lartë të Prokurorisë.
Pezullimi bazohet në nevojën për të ruajtur paanshmërinë institucionale dhe për të shmangur konfliktin e mundshëm të interesit. Sipas dokumentit zyrtar, dekania ka shprehur interes për t'u përzgjedhur si anëtare e Këshillit të Lartë Gjyqësor.
Gjatë periudhës së pezullimit, detyrat e dekanit do të ushtrohen nga Prof. Dr. Skënder Kaçupi, i cili është ngarkuar me drejtimin e përkohshëm të Fakultetit të Drejtësisë.