Remitencat drejt Kosovës gjatë vitit 2025 arritën vlerën 1.4 miliardë euro, duke shënuar rritje prej 59 milionë eurosh, ose rreth 4% krahasuar me vitin 2024. Këto të dhëna u publikuan nga Instituti GAP dhe bazohen në statistikat e Bankës Qendrore të Kosovës.
Pjesa më e madhe e remitencave erdhi nga Gjermania, me 547.4 milionë euro që përbëjnë 39% të totalit. Pas saj renditet Zvicra me 250.2 milionë euro (18%).
Kontribute të rëndësishme dhanë edhe vendet e tjera:
• Shtetet e Bashkuara të Amerikës: 102.5 milionë euro (7%)
• Austria: 59.3 milionë euro (4%)
• Italia: 54.3 milionë euro (4%)
• Franca: 48.4 milionë euro (3%)
• Suedia: 47.0 milionë euro (3%)
• Belgjika: 46.2 milionë euro (3%)
• Mbretëria e Bashkuar: 36.9 milionë euro (3%)
• Norvegjia: 29.8 milionë euro (2%)
Të dhënat nxjerrin në pah rolin kyç të diasporës në ekonominë e Kosovës. Remitencat mbështesin konsumin familjar dhe kontribuojnë në stabilitetin ekonomik të vendit.
Përditësime
Jakup Bellaqa, ekspert ekonomik, deklaroi se remitencat shkojnë kryesisht për konsum, duke e bërë Kosovën një shoqëri më konsumuese sesa prodhuese dhe investuese.