Tragjedia në Roskovec ka shënuar një tjetër viktimë, duke çuar numrin e personave që humbën jetën në 3. Belere Plaka, 55 vjeçe, e cila mbeti e plagosur nga ish-dhëndri i saj, Refit Buzi, nuk ka mundur të mbijetojë në Spitalin e Fierit.
Ngjarja e rëndë ndodhi mëngjesin e së premtes, kur 35-vjeçari qëlloi për vdekje ish-vjehrrin e tij, Kosta Plaka, 58 vjeç. Gjatë këtij konflikti, autori rrëmbeu edhe ish-partneren e tij, të cilën e mbajti peng për disa orë përpara se ta lironte.
Pas krimit, Refit Buzi u strehua në fshatin Kurjan, ku u rrethua nga efektivët e Policisë së Shtetit. Operacioni për kapjen e tij zgjati rreth 8 orë. Autori nuk pranoi t'u dorëzohej forcave të rendit dhe i dha fund jetës duke vrarë veten brenda automjetit të tij.
Përditësime
Rëndohet bilanci i ngjarjes tragjike në fshatin Vidhisht të Roskovecit. Policia e Shtetit konfirmoi se 55-vjeçarja, ish-bashkëjetuesja e autorit, ndërroi jetë në spital pas një ndërhyrjeje kirurgjikale. Autori i dyshuar i krimit i dha fund jetës me armë zjarri në orën 16:35, pavarësisht ndërhyrjes së forcave RENEA dhe ekipit negociator.