René Trokaz, i dërguari i posaçëm i Francës për Ballkanin Perëndimor, deklaroi në gazetën greke To Vima se Shqipëria dhe Mali i Zi janë relativisht afër integrimit të plotë në Bashkimin Evropian dhe mund ta arrijnë atë brenda tre vitesh të ardhshme, sipas një vlerësimi optimist.
Franca, e cila vite më parë kishte penguar hapjen e negociatave për Tiranën dhe Shkupin, tani shfaqet entuziaste. Trokaz theksoi se zgjerimi është prioritet për Francën dhe të gjithë BE-në. "Është normale që disa shtete të ecin me një ritëm më të shpejtë", u shpreh ai.
Ai nënvizoi nevojën që integrimi dhe reformat e brendshme në nivel institucional të avancojnë paralelisht. "Ne jemi 27 anëtarë sot në BE; duhet të llogarisim se si do të funksionojmë kur të jemi 30. Rregullat dhe institucionet duhet të përshtaten", deklaroi Trokaz.
Sipas tij, zgjerimi duhet të kapërcejë disa çështje dypalëshe në Ballkan, si bashkëjetesa e vështirë mes Serbisë dhe Kosovës, të cilat ai i cilësoi si gjembash lokale.