Gjatë orëve të para të ditës së diel, më 25 janar 2026, reshjet e shiut kanë krijuar probleme në aksin rrugor Skuraj-Burrel.
Në segmentin e Shkopetit, janë regjistruar rënie gurësh dhe balte, duke vështirësuar lëvizjen e automjeteve. Në shumë zona të këtij aksi, mjegulla e dendur kufizon fushëpamjen për drejtuesit, duke rritur rrezikun e aksidenteve.
Ky aks rrugor lidh Qarkun Dibër me veri-perëndimin e vendit. Autoritetet kanë këshilluar kujdes maksimal gjatë udhëtimit në këtë segment.