ARRSH rihapi sot, më 3 mars në orën 11:38, qarkullimin e automjeteve në segmentin Dragostunjë të aksit kombëtar Librazhd-Prrenjas. Kjo i dha fund bllokimit të përkohshëm që zgjati 11 ditë dhe krijoi vështirësi për qindra drejtues mjetesh.
Segmenti u bë i pakalueshëm pas dëmtimeve në zonën “Arrat e Gurrës”. Pas punimeve intensive dhe verifikimeve të kushteve të sigurisë, autoritetet lejuan lëvizjen me një aks të përkohshëm.
Rihapja rikthen normalitetin në këtë arterie të rëndësishme rrugore, që lidh Tiranën me juglindjen e vendit dhe shtetet fqinje, duke lehtësuar trafikun dhe qarkullimin e mallrave.
Drejtuesit e mjeteve këshillohen të respektojnë sinjalistikën dhe të tregojnë kujdes të shtuar në zonë. Pritet të jepen detaje për ndërhyrjet përfundimtare.
Kreu i ARRSH-së, Ami Kozeli, deklaroi se rruga hapet në kushtet optimale pas testimeve laboratorike, përfshirë për mjetet e rënda. Ai falënderoi punonjësit për punën gjatë 10 ditëve dhe njoftuan se trafiku është i hapur për të gjitha mjetet. Kozeli apeloi që mjetet e tonazhit të rëndë të mos kalojnë limitin 8,2 tonë për aks, çka kontrollohet nga Policia e Shtetit.
Përditësime
Ami Kozeli deklaroi se qarkullimi në segmentin Dragostunjë të rrugës Librazhd-Prrenjas hapet në kushtet më optimale për rrethanat aktuale. «Nuk ka cedim apo shfaqje shqetësuese. Hapet në kohën më të shpejtë të mundshme. Punët u kryen brenda 10 ditësh», tha ai.