Rodrygo, sulmuesi brazilian i Real Madrid-it, u nënshtrua një operacioni me sukses për lëndimin e pësuar në ndeshjen e La Ligës kundër Getafes. Ndërhyrja kirurgjikale u krye më 10 mars 2026, pas shqyerjes së ligamentit kryqëzuar anterior dhe dëmtimit të meniskut të jashtëm të gjurit të djathtë.
Lëndimi ndodhi gjatë rikthimit të tij në fushë kundër Getafes, duke e detyruar të përfundojë sezonin aktual. Real Madrid konfirmoi se operacioni shkoi mirë dhe lojtari do të nisë menjëherë rehabilitimin. Vlerësimet mjekësore tregojnë se rikuperimi zgjat 6 deri në 10 muaj, me objektiv rikthimin në fillim të sezonit të ardhshëm.
Ky dëmtim përjashton Rodrygo-n nga Botërorin 2026. Këtij sezoni, ai ka pasur 27 paraqitje, duke shënuar 3 gola dhe dhënë 6 asistime.
Pas operacionit, Rodrygo postoi në rrjetet sociale një mesazh emocional: «Sot fillon një histori e re. Një Rodrygo i ri ka lindur. Jam gati të kaloj nëpër të gjithë këtë proces dhe të jetoj bekimet e Zotit në jetën time. Shumë mirënjohës për çdo mesazh dashurie. Faleminderit Zotit, gjithçka shkoi mirë në operacion».