Reshje të dendura shiu në Bashkinë Libohovë kanë shkaktuar rrëshqitje masive dherash në zonën e Zagorisë, duke bllokuar rrugën kryesore lidhëse dhe izoluar katër fshatra.
Fshatrat e izoluar janë Topovë, Lliar, Doshnicë dhe Zhej. Si pasojë e këtyre rrëshqitjeve, janë dëmtuar katër banesa në fshatin Zhej.
Banorët kanë kërkuar ndihmë nga Bashkia Libohovë për zgjidhjen e situatës. Megjithatë, deri në këto momente, fshatrat vijojnë të jenë të izoluar pa ndërhyrje nga strukturat përkatëse.